စီရော်နယ်ဒို၊ အွန်နရီ၊ ပီယာလိုနှင့် ရွန်နီတို့ကို ကျော်ဖြတ်ပြီး ၂၀၁၄ ရွှေခြေထောက်ဆုကို အင်နီယေစတာ ရရှိ

မိုနာကို၊ အောက်တိုဘာ ၁၄။ ။ပြီးခဲ့သည့် တနင်္လာနေ့က မိုနာကိုမြို့တွင် ၂၀၁၄ ခုနှစ်၏ ရွှေခြေထောက်ဆုပိုင်ရှင် ဆုပေးပွဲအခမ်းအနားကို ကျင်းပပြုလုပ်ခဲ့ရာ ဘာစီလိုနာနှင့် စပိန်ကွင်းလယ်ကစားသမား အင်နီယေစတာက ဆွတ်ခူးရရှိသွားခဲ့သည်။

အသက် ၂၈ နှစ်အထက် ကစားသမားများကိုသာ ရွေးချယ်ချီးမြှင့်သော ထိုဆုအတွက် အင်နီယေစတာသည် ကမ္ဘာ့အကောင်းဆုံး ဘောလုံးသမားဆုရှင် စီရော် နယ်ဒို၊ အင်္ဂလန်တိုက်စစ်မှူးရွန်နီ၊ ပီယာလို၊ အွန်နရီ၊ နျူအာ၊ သီယာဂိုဆေးလ်ဗား၊ ရီဘာရီတို့နှင့် ယှဉ်ပြိုင်ခဲ့ရပြီး ဆုရရှိခဲ့ခြင်းဖြစ်သည်။

အင်နီယေစတာသည် ရွှေခြေထောက်ဆုကို ရရှိသည့် ပထမဆုံး ဘာစီလိုနာကစားသမားနှင့် စပိန်ကစားသမားအဖြစ်လည်း မှတ်တမ်းဝင်သွားခဲ့သည်။

အင်နီယေစတာသည် မိုနာကိုတွင်ကျင်းပခဲ့သည့် ဆုပေးပွဲအခမ်းအနားသို့ ဇနီးသည် အန်နာအော့ တစ်နှင့်အတူတက် ရောက်ခဲ့ပြီး ခြေထောက် တံဆိပ်ခတ်နှိပ် ကာ ဆုလက်ခံရယူခဲ့သည်။ “၂၀၁၄ ရွှေခြေထောက်ဆုကို ရရှိခဲ့တဲ့အတွက် အားလုံးကို ကျေးဇူးတင်ပါတယ်” ဟု အင်နီယေစတာက ဆုပေးပွဲ အခမ်းအနား တွင် ပြောကြားခဲ့သည်။

ရွှေခြေထောက် ဆုအတွက် ကစားသမား များရွေးချယ် ရာတွင် အွန်လိုင်းမှ မဲပေးသည့် စနစ်ကို အဓိက အသုံးပြုခြင်း ဖြစ်ပြီး နောက်ဆုံးတွင်ကမ္ဘာ့ အားကစား ကလောင်ရှင်များက ကစားသမား၏ ကွင်းအတွင်းအောင်မြင်မှုနှင့် ကွင်းပြင်ပ နေထိုင်မှုပုံစံကို ကြည့်၍ ရွေးချယ်ခြင်းဖြစ်သည်။

၁၉၉၆ ခုနှစ်ကတည်းက ဘာစီလိုနာအသင်းတွင် ပွဲထွက်ကစားခွင့်ရရှိခဲ့သည့်အင်နီယေစတာသည်ဘာစီလိုနာအသင်းနှင့်စပိန်လက်ရွေးစင်အသင်းတို့အတွက် အောင်မြင်မှုများစွာ ယူဆောင်ပေးနိုင်ခဲ့သူဖြစ်သည်။

ရွှေခြေထောက်ဆုကို ၂၀၀၃ ခုနှစ်က စတင်ချီးမြှင့်ခဲ့ပြီး အီတလီတိုက်စစ်မှူး ရော်ဘတ်တိုဘက်ဂီယိုက ပထမဆုံး ရရှိခဲ့သည်။ ပြီးခဲ့သည့် ၂၀၁၃ နှစ်က ထိုဆုကို ချယ်လ်ဆီးတိုက်စစ်မှူးဒရော့ဂ်ဘာက ရရှိခဲ့ပြီး ၂၀၁၂ ခုနှစ်က ပီအက်စ်ဂျီနှင့် ဆွီဒင်တိုက်စစ်မှူး အီဗရာဟီမိုဗစ်ခ်ျက ရရှိခဲ့သည်။

၂၀၁၄ ရွှေခြေထောက်ဆုအတွက် ဆန်ခါတင် စာရင်း

စီရော်နယ်ဒို၊ ရွန်နီ၊ နျူအာ၊ ပီယာလို၊ အင်နီယေစတာ၊ သီယာဂိုဆေးလ်ဗား၊ ရီဘာရီ၊ ယာယာတိုရေး၊ အွန်နရီ၊ မာတာ

ယခင် ရွှေခြေထောက်ဆု ပိုင်ရှင်များ

၂၀၀၃ ရော်ဘတ်တိုဘက်ဂီယို ဘရက်ရှား၊ အီတလီ

၂၀၀၄ နက်ဗက် ဂျူဗင်တပ်စ်၊ ချက်

၂၀၀၅ ရှက်ဗ်ချင်ကို အေစီမီလန်၊ ယူကရိန်း

၂၀၀၆ ရိုနယ်ဒို ရီးယဲလ်၊ ဘရာဇီး

၂၀၀၇ ဒယ်လ်ပီယာရို ဂျူဗင်တပ်စ်၊ အီတလီ

၂၀၀၈ ရော်ဘတ်တိုကားလို့စ် ဖီနာဘာချီ၊ ဘရာဇီး

၂၀၀၉ ရော်နယ်ဒင်ဟို အေစီမီလန်၊ ဘရာဇီး

၂၀၁၀ တော့တီ ရိုးမား၊ အီတလီ

၂၀၁၁ ရွိုင်ယန်ဂစ် မန်ယူ၊ ဝေးလ်

၂၀၁၂ အီဗရာဟီမိုဗစ်ခ်ျ ပီအက်စ်ဂျီ၊ ဆွီဒင်

၂၀၁၃ ဒရော့ဂ်ဘာ ဂါလာတာစာရေး၊ အိုင်ဗရီကို့စ်

ရည်ညွှန်း ဒေးလီးမေးလ်

Mizzima